Hadergjonaj: Për Kosovën luaj kudo që të është nevojë

14:12 | 5 Shtator 2019
Arbresh Info

Florent Hadergjonaj ka shprehur gatishmëri për të luajtur në çfarëdo pozite që i kërkohet nga trajneri te Kosova.

Kombëtarja jonë do të zhvillojë ndeshjen tjetër në kuadër të kualifikimeve për Euro 2020 kundër Republikës së Çekisë në stadiumin “Fadil Vokrri” këtë vikend, shkruan portali arbresh.info.

Por, si pasojë e mungesave trajneri Bernard Challandes ka premtuar se do të gjej zgjedhje dhe mbrojtësi i Huddersfield ka thënë se është i gatshëm për të luajtur në çfarëdo pozite, përfshirë edhe portier, për “Dardanët”.

“I djathtë, i majtë, mesfushor, sulmues apo portier. Për Kosovën luaj kudo që të është nevoja”, shkruan Hadergjonaj në llogarinë e tij në rrjetin social Twitter.

Ndeshja mes Kosovës dhe Republikës Çeke këtë të shtunë fillon në ora 15:00./arbresh.info/

https://www.facebook.com/florenthadergjonaj33/photos/a.542127322545381/2442434075848020/?type=3&permPage=1